атыс толқыны

(Огневой вал)

артиллериядан атудың және шабуылды артиллериялық қолдаудың бір түрі. 1) Өз әскерлерінің маңдайшебі алдындағы бір (бір қабат А.т.) немесе бір мезгілде екі шептегі (екі қабат) тұтас атыс өңірі. Алға қарай біртіндеп қарсыластың түпкі қорғаныс шебіне көшіріледі. Қарсыластың дайындалған қорғанысын бұзып өту кезінде қолданылады; негізгі және аралық шептерге жүргізіледі. Атыстың бір шептен екінші шепке көшірілуі шабуылдаушы полктің (батальонның) командирінің белгісімен іске асырылады; 2) қарсыластың танктері шабуылдауы мүмкін бағытта қолда бар жанатын материалдардан (бөренелерден, кепкен шырпы мен сабаннан және т.б.) жасалатын от бөгеті. Бөгеттің биіктігі — 1—1,5 м, ені — 2—3 м, ұзындығы — жанатын материалдың мөлшеріне байланысты. Қарсыластың шабуылы басталған кезде ұзынынан өртегіш шөлмекпен, фугасты отшашармен және т.б. тәсілдермен жандырылады.